Эң-не баштайгы бурунгу чоостарның бирээзинде ары чураан.
Ары чигиринде дириг ферментилер бар. Ары чигирин демир омааш-биле узуптарга, дириг ферментилер өлүп каар. Ынчангаш ары чигирин ыяш омааш-биле узуп чиир. Ыяш омааш тывылбаза, чук омааш ажыглааны дээре.
Ары чигиринде мээниң ажылдаарын экижидиптер бүдүмелдер бар.
Африканың чурттакчыларын аш-чуттан ары чигири камгалаан дээр.
Арыларның бүдүрүп турар прополизи бойдустуң эң-не күштүг антибиотиги-дир.
Ары чигириниң үрелир хуусаазы чок.
Делегейниң улуг хааннары мөчээн соонда, мага-боду үрелбезин дээш, алдын хааржакка ары чигири-биле шыпкаш, ажаар турган.
Ары 40-ден эвээш хонук чурттаар, ол үе дургузунда 1000-дан эвээш эвес чечектерге хонгаш, бичии шопулак ишти хире ары чигири бүдүрер. Арының ол бүгү чуртталгазы-дыр.
"Шын" №56, 2023 чылдың июль 29