Бир-ле черге бичии пагалар чурттап чораан. Олар бир хүн суурганың шыпшык бажынче чаржып үнер маргылдаа эрттиргеннер. Маргылдааның киржикчилерин шоодуп каттыржыр дээш, дыка хөй көрүкчүлер чыглып келген.
Маргылдаа-даа эгелээн… Суурганың шыпшык бажынче пагалар үне бээринге кым-даа бүзүревейн турган. «Уу, ол-даа берге!», «Олар кажан-даа ооң кырынче үнүп шыдавастар!» азы «Кандыг-даа арга чок! Суурга дыка бедик-тир!» дээн чигзинген чугаалар эгелээн.
Бичии пагалар бир-ийилеп аңдарлып эгелээннер. Ийиги тыныжы ажыттынганнар бедикче шурап үнүп-ле турганнар.
Чыылган көрүкчүлер дөмей-ле алгыржып-ла турганнар: «Эмин эрттир берге-дир! Кым-даа шыдавас!».
Дыка хөй пагалар шылааш кээп дүшкүлээн, чүгле чаңгыс пага дүжүп бербейн, үнүп-ле бар чыткан. Ол чаңгыс пага суурганың бажынче үнүп шыдапкан.
Ынчан ооң канчап үнүп шыдапканын, кайыын ындыг күш тып алганын пагалар сонуургап айтырган. Билдинип келзе — тиилекчи пага дүлей болган!!!
Сургаалдың утказы: Боттарының ундаралын база дадагалзаан хөөнүн сеңээ дамчыдарын кызыдып турар кижилерни кажан-даа дыңнава, олар сээң эң-не алыс күзелдериңни хунаап алыр. Сөстүң күжүн утпа. Шупту дыңнап азы номчуп турар чүүлдериң сээң аажы-чаңыңга салдарлыг болур. Кезээде эки хөөннүг чор! Ол ышкаш «Күзелдериң кажан-даа боттанмас» дээн чугаалаарны дыңнавайн, дүлей бол! «Ону кылып шыдаптар мен» деп кезээде бодап чор.
Чурукту интернеттен хоолгалаан
“Шын” №28 2025 чылдың июль 2484Оценили 84 человека12