| Айыыл чок чорук |
• Уруглар суг кыдыынга келгеш, албан улуг улустуң хайгааралынга болгаш эштир кылдыр тускай белеткеп каан черге турар ужурлуг.
• Сугга бодун канчаар алдынарының дүрүмнерин болгаш туруп болгу дег айыыл-халап дугайында оларга тайылбырлап, чугаалап бээри чугула.
• Бичии уругларга улуг улустуң хайгааралы чокка танывазы черлерге, көвүрүглер адаанга, боогдалдар чанынга, үрер матрацтар, камералар болгаш өске-даа эштир херекселдер-биле сугга эштири шуут хоруглуг.
• Сугнуң дүвүн, ханызын билип албайн, бедиктен шурап база болбас.
• Ол ышкаш эштиринге көрдүнмээн болгаш “Эштип болбас” деп сагындырыг бижик азып каан черлерге база эжинмес.
• Айыыл чок чоруктуң дүрүмнерин хажыдары кижиниң амы-тынын алгаш барып болур дээрзин уругларга өөредир. Ылаңгыя суг чанында чурттап турар азы улуг хемниг, хөлдүг черже дыштанып чоруп турар болзуңарза, айыыл чок чоруктуң дүрүмнерин үргүлчү катаптап, суг дугайында сагындырар.
/ Чыжыргана СААЯ.
“Шын” №25 2026 чылдың июль 2
Чурукту Гигачатка чураан.
"Шын" солуннуң МАХ-каналынга каттыжыңар: max.ru/join/egenQ...