Дүвүлүг хат

Дүгдүнүпкен кончуу дегет,
Дүшкүүрленип эшкеденген,
Дүвүлүг хат арныктыр шаап,
Дүүн кежээ аажок болду.

Харны бөле ширбий шапкаш,
Катчып алгаш, бөөлденип,
Түрлүг кыштың самын самнап,
Дүвү маңаа девээш барды.

Арын, чаакты алагадап,
Ажыңнадыр үргүлепкеш,
Аъдын мунгаш, хая көрбейн,
Артты ажып чорувутчук.

Мария КЫРГЫС.

Чурукту интернет четкизинден алган.

"Шын" №56 2024 чылдың июль 27