Республиканың Экономика яамызының дыңнатканы-биле, 2022 чылдың 1-ги чартыында даг-тывыш албан черлери республика бюджединче 1018,2 сая рубль түңнүг үндүрүглерни киирген. Эрткен чылдыынга деңнээрге, 170 хуу хөй акша шилчиттинген болуп турар.
Оларның аразында:
ООО «Лунсин» – 634,9 сая рубль.
ООО «УК» Межегейуголь» – 57,0 сая рубль.
ООО «Тардан Голд» – 218,7 сая рубль.
ООО «Голевск даг-руда компаниязы» – 11,0 сая рубль.
ООО «ТГРК» – 95,3 сая рубль.
Даг-тывыш компаниялары экономикада боттарының үлүг-хуузун, чугулазын күштелдирип турар боорда, оларның ажыл-чорудулгазы Тываның бюджединиң орулгалыг кезээниң хемчээлин улгаттырарынга салдарны чедирип турар.
Ук үлетпүр бүдүрүлге черлеринде ортумак даңзы аайы-биле 2567 кижи ажылда хаара туттунган.