Бай-Тайга кожууннуң Тээли сумузунда уругларның спорт школазынга тускай шериг операциязының киржикчилериниң шаңналы дээш кожуун чергелиг элээди оолдар аразынга тыва хүреш маргылдаазы болуп эрткенин чагырга чери дыңнаткан.
Хүреш маргылдаазын амгы үеде аал-чуртунда шөлээ үезинде чанып келген дайынчылар – Амир Кара-Сал биле Аяс Хертек удуртуп эрттирген. Төрээн черинден ырак-даа болза, деткикчи бөлүктү Аржаан Сарыг-Донгак, Аңчы Кара-Донгак, Аржаан Салчак, Роберт Делег-оол, Милан Дагбы, Шораан Шожап, Начын Кужугет, Дортен Дойбу, Дмитрий Салчак, Аяс Хертек, Артыш-оол Монгуш, Менги Конгар-оол, Антон Делег-оол болгаш Эртине Бурундукай тургускан.
Маргылдаа назы-хар аайы-биле “ханадан ханаже” деп хевирге эрткен. Дүшкүүрлүг сегиржип алыышкыннарның түңнелинде 2017-2018 чылдарда төрүттүнген оолдар аразынга бирги черни Шойгу Күжүгет (Кызыл-Даг), ийиги черни Ерлан Хертек (Кара-Хөл), үшкү-дөрткү черлерни Намзырай Имит (Кызыл-Даг), Тамчат Эвээл (Тээли) чаалап алган.
2015-2016 чылдарда төрүттүнген оолдар аразынга бирги черге Бүрбүжүк Куулар (Шуй), ийиги черге Эдиски Ооржак (Бай-Тал), үшкү-дөрткү черлерге Танаа-Херел Содунам (Бай-Тал), Сылдыс Ооржак (Шуй) төлептиг болган.
2013-2014 чылдарда төрүттүнген оолдар аразынга бирги черни Шаанак Салчак (Бай-Тал), ийиги черни Ачылыг Салчак (Бай-Тал), үшкү-дөрткү черлерни Найдан Очур-оол (Бай-Тал), Салим Хертек (Тээли) чаалап алган.
2011-2012 чылдарда төрүттүнген оолдар аразынга бирги черге Сүметей Монгуш (Тээли), ийиги черге Аржаан Күжүгет (Кызыл-Даг), үшкү-дөрткү черлерге Найдан Очур-оол (Бай-Тал), Айыс Байыс (Бай-Тал) төлептиг болган.
Өзүп орар мөгелер аразынга хүреш маргылдаазын бедик деңнелге эрттиргени дээш Бай-Тайгадан тускай шериг операциязында киржип турар дайынчыларга кожуун чагыргазының болгаш Төлээлекчилер хуралының удуртулгазы четтиргенин илередип, деткикчи дайынчы оолдарга Өөрүп четтириишкин бижиктерин тывыскан.
Бай-тайгажылар тускай шериг операциязының киржикчилери дайынчы даалгаңарын чедиишкинниг күүсеткеш, аал оранынга амыр-тайбың чанып келзин дээш йөрээлди салган.