Декабрь 28-тиң хүнүнде шериг комиссарының төлээлери тускай шериг операциязының киржикчизи Альберт Клементьевич Ондарның өг-бүлезинге Чаа чыл уткуштур байыр чедирип четкен. Дайынчының уруу Яна Ондар бичиизинден тура чуруурунга ынак. Бичии чурукчунуң күзелин барымдаалап улуг хемчээлдиг чуруктар чуруур мольбертти, тускай будуктарны, бийирлерни белекке сөңнээн.
Дайынчы Альберт Ондар ооң мурнунда фельдшер-камгалакчы болуп ажылдап чораан. Тускай шериг операциязының эгезинден тура чер-чурту дээш сагыш-човап, үлүг-хуузун киирер күзели кыптыгып турган. Ынчалза-даа өг-бүлезиниң кежигүннери ону ынаар чорудуксавайн турган. Фронтуга дайынчылар камгалаар күзели күштүг болганындан ол 2023 чылда дөмей-ле чорупкан. Ол-ла чылын ноябрь айда балыгланган дайынчыны шөлден уштуп тургаш, маадырлыы-биле амы-тынындан чарылган.
Маадырның ажы-төлү, ылаңгыя хеймер уруу Яна, ачазын дөзеп, чуруттунар, шыяр салым-чаяанныг болганнар. Оолдарының бирээзи келир үениң инженери, өскези физика-математика салбырында өөренип турар.
Бистиң корр.