Декабрь — кыштың бирги айы. Рим сан-биле «он дугаар» — «десятый» деп сөстен укталган. Декабрьның онзагай демдектерин сонуургаалыңар.
Бо айда улуг хөртүк харлар, ыяштарда хөй хыраа дүжүпкен болза, келир чылын эки дүжүттү оштап турары ол.
Шык болгаш чылыг декабрь — час орай дүжериниң демдээ.
Дээрни булуттар дуглай берзе, удавас дүвүлүг хат хадыыр. Ынчангаш узун орук чораан херээ чок.
Чавыс булуттар – соор.
Хүн долгандыр дээрбек — бүргээр.
Хүннү болгаш айны дескиндир төгерик — үргүлчүлелдиг соок шуурганнар.
Дээрде сылдыстар бедик болгаш бүлүргей болза, чылыыр. А эмин эрттир кылаңнаарга, соор.
Кыжын арга-арыг шимээргээрге, чылыг дүжерин мана.
Кызыл-хөрек (снегирь) эдип, а сааскан чаштынып эгелээрге, бораңнаар.
Бора-хөкпештер демниг мыжыражырга, чылыыр.
Каарган чаргырадыр ыыткыр эдерге, дыңзыг сооктар.
Декабрь айда ыяш белеткээрге, эң-не эки үе деп санаар. Ол үеде ужурган ыяш кургаг болур.
“Шын” №92 2024 чылдың ноябрь 30