Демнигде - күштүг,Тепкииштигде - быжыг.

Арат шөлүнге болуп эрткен Масленица байырлалынга Таңды кожуун база киришкен. Школа, библиотека, культура адыры, чагырга дээш бар-ла албан черлери шупту катчып алгаш, кожуунунуң адындан чаңгыс команда болуп, идепкейин көргүскеннер. “Бо кайгамчыктыг байырлалда боттарывысты көргүзүп, өскелерни көрүп чедип келдивис. Балыктар, булочкалар дээш өске-даа аъш-чемни белеткеп алдывыс. Байырлал дыка онза байдалда эртип тур. Чаңгыс чер чурттугларывыска байырывыс чедирип тур бис” – деп, эге класстар башкызы Наталья Анучина чугаалаан.