Дмитрий Медведев Донбасска референдумнар эрттирериниң чугулазын медеглээн.

РФ-тиң Айыыл чок чорук чөвүлелиниң даргазының оралакчызы Дмитрий Медведев Донецк болгаш Луганск Улус Республикаларының девискээринге Россияның составынче кирериниң дугайында референдумнарны эрттирери чугула херек дээрзинге бүзүрелдиг бооп турарын бодунуң Telegram-каналынга бижээн.

Ооң сөстери-биле алырга, ДНР биле ДНР-ге референдумнар Россияның сайзыралының он-он чылдарда векторун бүрүнү-биле өскертип турар.

''Чүгле бистиң чуртувустуң база эвес - деп, ол чугулалап айыткан. - Референдумнарны эрттиргеш, чаа девискээрлерни Россияның составынче хүлээп алганының соонда делегейде геополитиктиг трансформация дедир ээлбес байдалдыг апаар''.

Ооң-биле чергелештир Д. Медведев ''Россияның девискээринче холгаарлаары - камгаланырының бүгү күжүн ажыглаарынга чедирип турар кем-херек үүлгедиишкини болуп турар'' дээрзин чугулалап айыткан

''Бистиң күрүневистиң Конституциязынче өскерилгелер кииргениниң соонда, Россияның келир үеде кайы-даа удуртукчузу, кайы-даа албан-дужаал эдилекчизи ук шиитпирлерни дедирлендирип шыдавас - деп, Д. Медведев демдеглээн. - Ынчангаш ол референдумнардан Киевте-даа, Барыын чүкте-даа коргуп турарлары ол. Ынчангаш ук референдумнарны чорудары чугула''.