Бии-Хемниң сураглыг аңчызы чораан Маады Меңгий-оол Бии-Хемниң Ожу-Бажы деп черге аңнап чорааш, бир аяңга аң харап көөр дээш үнүп кээрге, арыг кыдыында шөлде дыт чанында адыг көзүлген. Адыг дытка уннаштыр турупкаш- ла, холу караш дээр болган. Оон ол дытты долгангылааш, дедир-ле кээр болган.
Бо черле кандаай адыг апарды дээш, аңчы чоокшуладыр кедеп келген. Топтап көрген – чаңнык дүшкен дыттың чарылган чартыларын адыг тыртып-тыртып салыптарга, сырынналдыр эде бээр мындыг болган. Демги адыг ол чартыларның сырынналдыр тырылаан даажын дыңнап, таалап турар болган. Аңчы дыка үр ону көрүп турган.
“Таңдының дарган ыды ынаар-ла дошпулуурлап ойнап олурам” – дээш, аңчы оожум чоруй барган. Адыг аргазынга дошпулуурлап олуруп калган.
(Чигжит Менгий-оолович Маады Туранга 1990 чылда бижиткен).
“Тыва улустуң бурун чугаалары” деп номдан алган.