Тывада Донецк Улус Республикадан ойнаар-кыстар театрының артистери чедип келген. Оларны Кызылдың аэропортундан Тываның ойнаар-кыстар театрының артистери тыва чаңчыл ёзугаар ак кадактар болгаш сүттүг шай-биле эвилең-ээлдек уткуп алганнар.
Донецкиден келген аалчылар сентябрь 25-27 хүннеринде Кызылга “Братец Кролик” биле “Планета Витти” деп шиилерни көргүзер.
Ол ышкаш ырактан келген артистер Тываның Алдан-Маадыр аттыг Национал музейин, Тубтен Шедруб Линг хүрээзин сонуургап көөр болгаш В. Көк-оол аттыг Национал хөгжүм-шии театрының 90 дугаар юбилейлиг сезонунуң ажыдыышкынынга киржир планныг.
Бистиң корр.
Медээни болгаш чуруктарны интернеттен алган.