Москвага ажылчын сургакчылаашкын үезинде федералдыг органнарга чедип алдынган дугуржулгаларны республиканың Чазаанга сайгарып чугаалашканын Тываның Баштыңы Владислав Ховалыг бодунуң блогунга бижээн. РФ-тиң Тудуг, Саң-хөө, Транспорт, Өөредилге, Энергетика яамыларынга дугуржулгаларны күүседири дээш харыысалгалыг даргаларны тодаратканын республиканың удуртукчузу дыңнаткан.
Россияның Президентизи Владимир Путинниң, РФ-тиң Чазааның Даргазының бирги оралакчызы Денис Мантуровтуң Тываның социал-экономиктиг хөгжүлдезинге дорт хамаарылгалыг даалгаларының күүселдези шыңгыы хыналдада. Оларның бирээзи чиигелделиг ипотеканы 2025 чылдан ыңай уламчылаарының айтырыглары чаңгыс чер чурттугларым манап турарын билир мен деп, Владислав Ховалыг демдеглээн.
Келир чылда федералдыг бюджет бадылаттынган, ынчалза-даа Тываның киржип турары күрүне программаларының акшаландырыышкынын чогуур яамыларга база катап ылавылап алырының чугулазын В. Ховалыг айыткан.
Ш. ЛОПСАН.
"Шын" №89 2024 чылдың ноябрь 20