Республиканың яамылар удуртукчулары-биле ТР-ниң Чазааның Аппарат хуралынга эрге-чагырганың федералдыг органнары-биле чардынган Дугуржулгаларның канчаар күүсеттинип турарын чугаалашкан дээрзин Тываның Баштыңы Владислав Ховалыг бодунуң блогунда бижээн.
2024 чылда республика 82 дугуржулганы чарган, аңаа дүүштүр президентиниң национал төлевилелдерин болгаш федералдыг күрүне программаларын боттандырарынга барык 17 млрд рубльди хаара тудар.
«Ындыг деткимче Тываның социал, культура, спорт, өөредилге адырларын болгаш орук инфраструктуразын хөгжүдер арганы берип турар. Кыска тудуг үезиниң дургузунда бүгү дугуржулгалар ёзугаар алдынган акша-хөреңгилерни үре-түңнелдиг ажыглаарын, ажылдарны көрдүнген хуусааларында доозарын кызыдар ужурлуг бис» — деп, ол демдеглээн.
Бистиң корр.
“Шын” № 45 2024 чылдың июнь 19