Төөгү чугаа
Бир аңчы соңгу тайгаларже күзүн, адыглар ижээнней бергенде, аңнап үнген. Кежээ одаанга чедип келгеш, от салгаш, дөгеленип олурда, хенертен артындан бир-ле чүве келгеш, бөле-хаара куспактааш, ыңай-ла болган. Адыг-дыр деп чүвени аңчы билип каан. Ооргазында азынган бижээн алыр арга чок, адыг так куспактап алган.
Удавайн улуг ыравайн, ол-ла хевээр куспактааш, ижээнче киире берген. Ижээн иштинде караңгы черде бир-ле чүве ыстап, човууртап турар болган. Топтап көөрге, бир адыг холун чайып олурар бооп-тур. Чоокшулап келген, адыг балыг холун аңчыга көргүзүп, сунуп келген. Адыгның холунда улуг чарты кадалы берген мындыг бооп-тур.
Чүү боор, чүвениң ужурун билгеш, аңчы ооргазында улуг бижээн алгаш, хынындан ужулгаш, адыгның балыг холунда кадалган улуг чартыны уштуп каапкан. Адыгның уё-човууру чидип, балыг черин чылгап эгелээн.
Ам адыглар чүнү канчаар эвес дээш көрүп олурарга, демги эккелген адыг ол кижини бөле-хаара туткаш, дедир-ле демги одаанга эккелгеш, салыпкан. Бо дээрге бир аңчының шаанда херек кырында таварышканы таварылга-дыр.
Чурукту интернеттен алган.
“Шын” №7 2026 чылдың февраль 26