Тываның школачыларын күскү дыштанылга үезинде чурттап турар чериниң аайы-биле ном саңнарынга өөредиглиг оюннар болгаш кичээлдер, мастер-класстар болгаш сонуурганчыг номнар делегейи манап турар. Бо ажылды «Номчуңар-ла!» деп төлевилелдиң чорудуу-биле Түр үениң дыштанылга төптери чорудар.
Кожууннар аразынга Түр үениң дыштанылга төптерин ажыдар бот-идепкейни «Чашкы шагның шапкынчылары» федералдыг төлевилелди Тыва Республикага боттандырар сорулга-биле Регионнуң курлавырлар төвү биле ТР-ниң Культура болгаш Өөредилге яамыларының деткимчези-биле А.С. Пушкин аттыг Национал библиотека саналдаан.
Школачыларның күскү дыштанылгазының бир дугаар хүнүнде Сүт-Хөл кожууннуң Суг-Аксында төп уруглар библиотеказының баазазынга Түр үениң дыштанылга төвүн ажыткан. Ол ажылды Суг-Аксы ортумак школаның директорунуң кижизидилге талазы-биле чөвүлекчизи Чочагай Күжүгеттиң бот- идепкейи-биле А. Ондар аттыг Культура бажыңы кады организастаан.
Түр үениң дыштанылга төвүнүң бирги ажылчын хүнү тулган эрткен: дыштанылга үезинде айыыл чок чорукту сагыырының инструкциязын берген, таныжылга тренингизи, коллективтиң демниг флешмобу, угаан сайзырадыр «Мээң чуртум — мээң Тывам» деп оюннуг беседа. Дыка хөй уруглар номнарга чагыдылгалыг чанганнар.
ТР-ниң Өөредилге яамызының медээлеринден.
Чуруктарны интернеттен алган.
“Шын” №83 2023 чылдың ноябрь 1