Эң дээре чээрби регионнуң санынче Тыва кирген

«Өөредилгениң флагманы» төлевилел

«Россия – чедиишкиннерниң чурту» деп президент пдатформазында Россия Федерациязының Өөредилге яамызының деткимчези-биле боттандырып турар «Өөредилгениң флагманы» төлевилелге киржириниң чагыгларын хүлээп алганының түңнелдерин санап үндүрген.

Бо төлевилелдиң албан ёзузунуң сайтызында ниитизи-биле 88 000 ажыг чагыглар бүрүткеттинген. 1 884 чагыг Тывадан кирген, ол дээрге бистиң республика эң хөй чагыгларны киирген 20 регионнуң санынче киргени-дир. Тывадан чагыг кииргеннерниң 87 хуузу башкылар, 2 хуузу студентилер, 11 хуузу өөредилге адырында удуртукчулар.

«Өөредилгениң флагманы» төлевилел 18 хардан улуг назы-харлыг, эртем-билигге салым-чаяанныг студентилерге, башкыларга, өөредилге адырында удуртукчуларга болгаш сайгарлыкчы чорукту хөгжүдүп келген сайгарлыкчыларга боттарының профессионал мергежилин бедидер, янзы-бүрү угланыышкыннарга эртем-билиин сайзырадыр арганы берип турар.

«Өөредилгениң флагманы» төлевилелдиң парлалгазының медээлеринден.