РФ-тиң Президентизи В.В. Путинниң чарлаан долу эвес мобилизацияга хамаарышкан 'дидир-дидирлер' социал четкилерде көстүп эгелээн. Российжи чонга удур чоруттунуп турар информастыг дайынның база бир хевири - шак мындыг меге-хоп медээлер болур.
Шак ындыг меге медээлерниң бирээзи - долу эвес мобилизацияже келдиртиишкиннерни электроннуг хевирге Күрүне ачы-дуза (Госуслуги) порталын дамчыштыр тарадыр деп чугаалар социал четкилерде тарап турар.
Россияның Чурагайлыг хөгжүлде яамызы шак ол ''дидир-дидир'' чугаада үндезин чок, ындыг планнар салдынмаан дээрзин дыңнаткан. Шак ындыг ажыл чорударынга чогуур хоойлужудулга баазазы тургустунмаан. Ынчангаш меге медээлерге бүзүрээн херээ чок.
@mintsifry