Эмчи — Ангел

ӨӨРЕДИГЛИГ ЧУГААЛАР
Адам биле Еваның салгалдары өзүп көвүдеп-ле турган. Амыр-дыш деп чүве билбес, бодамча чок салгалдар Бурганның чаяап берген мага-бодун шуут кадагалап билбес болган — багай чаңчылдарга алзып, айыылдыг аян-чоруктар кылып, араатан амытаннар-биле өлүржүп, чалым хаялардан аңдарлып, шапкын сугларга дүжүп, бот-боттарын кемдедип туруп берген. Ангелдерниң чилчии үстүп, элеп, эргижирээн чалгыннарын чүгле солуп четтигип турза-даа, хөй эвес кижилерге дузалажып шыдап турганнар.

Ынчан Бурган кижилерниң аразындан эң-не тергииннерин шилиирин дужааган. Оон ол кижилерге ак сеткилди, карак кызыл чорукту, ажылга ынак болурун, чырык угаанны, буянныг чүректи база «алдын холдарны» чаяап берген. Ол ышкаш Ангелдерге дөмейлештир ак хептерни база оларга кедирген. Оон бар-ла күжүн, угаан-медерелин харыысалгалыг хүлээлгезинче үндүрүп, кижилерге бараан болуп чоруур кылдыр оларга дужааган.

Бурган эмчилерни ынчаан чаяаган…

“Шын” №44 2024 чылдың июнь 15