Садыглап чорааш, чанып ора, тайгыр орукка барып ушкаш кемдедим. Дораан-на травмпункт четтим. Эмчи мени кезер эмчиже чорутту. УЗИ-ниң түңнели-биле солагай таламда хан дүшкен, ыжык турупкан болду. Хан дүшкен черимни кезер эмчи Айдың Орланович кескеш, аштап-арыглаан. Бо эмчи чымчак холдуг, чырык угаанныг, ёзулуг кезер эмчи кылдыр чаяаттынган төл-дүр.
Кандыг хемниң суун ижип
Өскен ирги, билип алза,
Кандыг ие сүдүн ээп
Өскен ирги, танып алза…
Кезер эмчиниң сестралары кончуг эрестиг, хөглүг чугаа-сооттуг, чараш кыстар болду. Ажылынга ынак аныяк кыстарны Долаана Сергеевна Ооржак, Надежда Ооржаковна Содунам дээр.
Үстүнде ады кирген улуг эмчиге база эмчи сестраларынга улуу-биле четтиргеним илеретпишаан, өг-бүлезинге өөрүшкүнү, аас-кежикти, узун назынны, кадыкшылды күзедим!
/ Чылбак МОНГУШ, күш-ажылдың хоочуну, РФ-тиң хүндүлүг башкызы, Маадыр ие.
“Шын” №3 2026 чылдың январь 29