Тыва Республиканың Баштыңының оралакчызы Саида Сенгии:
– Республика Баштыңы эмчилерге майның төлевирлерин онза хыналдага алыр даалганы бөгүн менде берди. Ол ышкаш социал албан черлериниң, интернаттарның ажылдакчыларын деткиир айтырыглар база бар.
Халдавырлыг аарыглар салбырларынга 14 хонук ажылдаан эмчилерниң бирги сменазының дыштанылгазын шиитпирлеп тур бис, олар даарта өске эмчилерге эстафетаны дамчыдар. Хоорайның аалчылар бажыңнары эмчилерни хүлээп алырынга белен. Эмчилер чоокку ийи неделяда пансионга дыштанырлар.
Ооң-биле чергелештир республика Баштыңының өске даалгаларын база күүседип турар бис. Инфекциялыг кижилерге оруннар санын көвүдедири – ооң бирээзи. Халдавырлыг аарыглар эмнелгезиниң баазазында база № 17 лицейде 300 ажыг орунну эрткен дыштаныр хонуктарда немей салган.
gov.tuva.ru#Шын