Таңды кожууннуң Арголик деп черге республиканың кадык камгалалының саң-хөө болгаш экономика албанының ажылдакчыларының профессионал байырлалын демдеглеп, спортчу хемчеглерни эрттирген. Спартакиадага эрткен чылын тиилээн команда Кадык камгалал яамызының төпчүткен бухгалтериязы хемчегни организастап эрттирген.
Спартакиадага эмнелге албан черлеринден ниитизи-биле 21 команда киришкен. Тиилекчилерни 3 аңгы хевирге илереткен. Шаптараазыннар дилиндээнге Таңды кожууннуң төп эмнелгези тиилээн. Ийиги черге Республиканың консультация-диагностиктиг төвү төлептиг болган. Үшкүзүн Республиканың уруглар эмнелгези алган.
Аргамчы тыртарынга эң-не күштүг команда Республиканың кеш болгаш шээр аарыглар диспансери болган. Ийиги, үшкү черлерни Бай-Тайганың, Чеди-Хөлдүң төп эмнелгелери алган.
Хол бөмбүүнге Республиканың консультация-диагностиктиг төвү тиилээн. Ийиги черге Мөңгүн-Тайга, үшкүзүнге Каа-Хем кожууннуң төп эмнелгелери келген.
Командалар аразынга ниитизи-биле Республиканың консультация-диагностиктиг төвү, Таңды болгаш Мөңгүн-Тайга кожууннуң төп эмнелгелери тергиидээн. Хол бөмбүүнге эң эки ойнакчы Мөңгүн-Тайга кожууннуң төп эмнелгезинден Уран Баавыл, эң эки халдакчы Республиканың консультация-диагностиктиг төвүнден Азиана Сат олар болганнар.
Чылдан чылче шилчип чоруур Кубокту ниити командалар аразынга 1-ги чер дээш Республиканың консультация-диагностиктиг төвүнге берген. Ол ышкаш 2024 чылдың спартакиадазын эрттирер эрге база оларже шилчээн.
Кадык камгалалының медээзинден.
«Шын» №73 2023 чылдың сентябрь 27
Эмчилерниң спартакиадазы
27 сентября 2023
19