Таңды кожуун ТШО зоназынче ээлчеглиг гуманитарлыг дузаламчыны чорударынга белеткенип турар.
Бензин-биле ажылдаар генераторну, бистиӊ дайынчыларывыска от салыр суугуну чоруткаш, Таӊды кожууннуӊ тѳп эмнелгезиниӊ коллективи боттарыныӊ улуг үлүг-хуузун киирген. Мурнуку одуругда эрес-дидим демисежип чоруур улусту идепкейлии-биле деткип, гуманитарлыг дузаламчы чыырынга олар ооӊ мурнунда база эккеп турган.
Хүн бүрүзүнде маадырлыг чоруун кѳргүзүп, боттарын хайыралавайн чоруур дайынчыларга ачы-дуза чедирер талазы-биле кожууннуӊ тѳп эмнелгезиниӊ үлегери биче сеткилдиг хамаатыларны сорук киирип турар. Шак ындыг ачы-буянныг акциялар улуг ужур-дузалыг. Бистиӊ дайынчыларывыстыӊ сагыш-сеткилин ѳѳртүп, берге үелерде бүгү чурт оларны деткип турар дээрзин кѳргүзүп турар.
Кожууннуӊ аӊгы-аӊгы сумуларында дайынчыларга камгаланыр четкилерни ѳрүп кылып турар. Арыг-Бажыныӊ мѳӊгүн волонтёрларынга октябрьда мастер-классты эрттирип турда, кожууннуӊ идепкейлиг хамаатылары камгаланыр четки аргыыр шевер ажылды шиӊгээдип алганнар.
Маадырларывысты кады деткип, буяндан кылыылыӊар! Кожуун, суму чагыргаларындан тодаргай медээлерни билип ап болур. Чыгдынган посылкаларны Улусчу фронтунуӊ пунктуларында эккеп турар. Ээлчеглиг ачы-дузаны ноябрь айныӊ тѳнчүзүнде чедирер.
Таңды кожуун чагыргазының медээзинден.
“Шын” №87 2024 чылдың ноябрь 13