«Кадык камгалалы» национал төлевилел-биле Тываның эмнелгелеринге аарыглар шинчип тодарадыр болгаш эмнээшкин чорудар 94 чаа техника келген.
Эмнээшкинни эки чорудары-биле медицина албан черлери чаа дериг-херекселдерни ажыглап эгелээн. Карак аарыгларын тодарадыр, аараан соонда реабилитация база профилактика чорудар амгы үениң физиотерапия база наркоз, орун чанынга мониторлар, хирургияның электри аппараттары, колькоскоптар, электрилиг кардиографтар, шимчеп чоруур рентген-аппараттар, агаар стерилизастаар база УЗИ кылыр херекселдер, лабораторлуг анализаторлар дээш өске-даа дериг-херекселдерни тургускан.
«Улуг өртектиг болгаш бедик технологиялыг аппараттар ылап-ла бирги звенода кээп турары чугула. Медицина дериг-херексели-биле чепсеглээри, ылаңгыя көдээ черлерлерниң чурттакчыларынга эмчи дузазының таарымчалыг хандырылгазын элээн чиигедиптер» — деп, кадык камгалал сайыдының оралакчызы Орлан Ондар чугаалаан.
Республиканың кадык камгалал адыры бо чылдың төнчүзүнге чедир ам-даа 19 дериг-херекселди манап турар.
Бистиң корр.