Сезен харны ажыр чурттааш,
Сеткил-хөңнүм дойлуп чору.
Хөөкүй бодум чуртталгамда
Хөй-ле чүъктү шыдап эртим.
Чуртталгамның каасталгазы
Чурумалдыг Малиновкам,
Мөңге назын шаңнааның дээш,
Мөгейип каайн, төрээн черим!
Бодап чораан күзелдерим
Боттандырып чурттап кагдым.
Эртем-билиим ачызында
Эрге-дужаал муңзавадым.
Кады кырыыр ынаам-биле
Каас-байлак чурттадывыс.
Өскүс оолду азырааштың,
Өөрүшкүзүн четтирдивис.
Эмчилерим, ламаларым
Эмнеп-домнаан ачызында,
Бак чаяанныг аарыг-аржык
Бажы-биле адырылган.
Хоорайымның сайзыралын
Хоочун бодум магадаар мен.
Узун назын мени кагба,
Уян сеткил киискизин!
/ Александра МАРТЫЙ-ООЛ, күш-ажылдың хоочуну, кооперацияның тергиини.
“Шын №2 2025 чылдың январь 22