Чылыг дүжүп, чай болурга, улустуӊ ыӊай-бээр чорук-херээ көвүдээр. Өөренип кирер, шылгалда дужаар дээш-ле чон кожуун, суурлар, хоорай аразынга черле үзүлбес. Изиг халыында, кышкы соокта кандыг-даа кижиге кол негелдениӊ бирээзи изиг чем болгай. Ажы-төлүн туткан херээженнерге ийиги-үшкү каъттарда столоваяларга үр турар аргазы чок. Орук чораан далаштыг улуска аян-тээлеп олурары ындыг амыр эвес. Хоорай ортузунда «Дом быта» деп садыг-саарылга төвүнүӊ артыкы эжиинче үнер талазында кончуг таарымчалыг, чаптанчыг кафе-шайлаарак, фастфуд бар. Аныяк кыс Сайлаананыӊ пирожкилери, бургерлери дыка амданныг, өртээ чиик. Далаш кижилерге дүрген апкаш, үне халыыр, эптиг. Ажыдыышкын үезинде таваржы бээривиске, мени 4 уругларым-биле халаска чемгерип каарга, дыка өөрээн мен. Чемненикчилер үзүлбес, хөй-ле болзунам!
/ Чойганмаа КЫРГЫС.
Бии-Хем кожууну, Ондумдан.
"Шын" №28 2023 чылдың апрель 19
Эптиг болгаш амданныг
21 апреля 2023
50