Үер соонда автооруктарны септээринге 2 млрд рубльду чоруткан

Россияның 8 региону үер соонда автооруктарны септээринге тускайлаан акша-хөреңгини алыр.

2023 чылда чазак 2 млрд рубльди үерден когараан регионнарже чорудар. Бо акша-хөреңги регионнарның, муниципалдар аразының болгаш тус черниң автооруктарын септээринге көрдүнген.

Ук акша-хөреңгини Михаил Мишустинниң ат салганы айтыышкыны ёзугаар Крым, Тыва республикалар, Забайкальск, Хабаровск крайлар, Амур, Иркутск, Омск областьтар, Еврей автономнуг округ алыр.

Эрткен чылын Россияның Чазаа үер соонда автооруктарны септээринге база 2 млрд рубльди аңгылаан турган.