«Шын» 12+

Эрес-дидим чорук кичээли

14 февраля 2025
13

Эрзин кожууннуң Бай-Даг сумузунга тускай шериг операциязының девискээринге балыглаткан дайынчылар камгалап турган эрес-дидим эмчи сестразы Чимис Чумбуртай-биле ужуражылга болган. ТШО девискээринде ажылдап турар эмчи сестразы Бай-Даг школазынга эрес-дидим чорук кичээлин эрттирген. Школачыларга бодунуң күш-ажылчы болгаш маадырлыг чоруктарының дугайында төөгүп берген.

Чимис уруглар-биле патриотчу чорук база улуг назылыг кижилерге кичээнгей болгаш хүндүткел дугайында чугаалашкан. Ол ышкаш уругларны номга ынак, номчуттунарынга сонуургалдыг болурун чагып сургаан. Уруглар эрес-дидим чаңгыс чер чурттуунуң дайын шөлүнге амы-тынын харамнанмайн, ажылдап турган төөгүзүн улуг сонуургал-биле дыңнап танышканнар.

Ужуражылганың маадыры Чимис ийи ажы-төлдүг, ам үш дугаар өпеяазын манап турар. Улуг уруглары өскен — 16 — 17 харлыг.

Эрес-дидим эмчи сестразы «ТШО киржикчизи» база II чергениң «Дайынчы шылгарал дээш» деп медальдарның эдилекчизи.

Бистиң корр.

Чуруктарны Ада-чурт камгалакчылары фондунуң Тывада салбырындан алган.

ШЫН Редакция