Тускай шериг операциязының үезинде эрес-дидим чоруу дээш Россия Федерациязының Президентизи Владимир Путинниң Чарлыы-биле анаа дайынчы Р.Д. Шляковка, ефрейтор Д.Н. Шагдырга, улуг лейтенант Э.С. Оюнга, сержант М.-Х.Б. Симчитмаага, анаа дайынчы А.Ч. Ростовскийге, ефрейтор С.А. Сан-оолга, анаа дайынчы В.В. Ковальга, сержант С.С. Даржайга Эрес-дидим чоруктуң орденнерин мөчээниниң соонда тывыскан.
Күрүне шаңналдарын мөчээн дайынчыларның чоок кижилеринге ТР-ниң Чазааның Даргазының оралакчызы Тимур Куулар болгаш ТР-ниң Дээди Хуралының (парламентизиниң) Даргазы Каң-оол Даваа тывыскан.
Эрес-дидим чоруктуң ордени – хөй-ниити чурумунуң камгалалының, кем-херек үүлгедиишкиннери-биле демиселдиң, онза байдалдарның, өрттүң болгаш өске-даа онза байдалдар, айыыл-халап үезинде эрес-дидим чоруу болгаш дайынчы, хамааты болгаш албан-хаакчыт хүлээлгезин күүседип тургаш, амы-тынынга айыыл турза-даа, бодун хайырлавайн, шиитпирлиг кылдыныгларны кылганы дээш РФ-тиң хамаатыларынга күрүнениң тыпсыр шаңналы болур.
Бистиң корр.