Бир кижиниң "аъдының бажы хоя берген-дир". Ооң ыды чанынга чыткаш база ээзиниң соондан мөчээн.
Ол кижиниң сүнезини «Дываажаң ораны» деп бижип каан хаалга аксынга чедип келген. Ыдының сүнезини база чанынга чораан.
Ол хаалгада «Ыды-биле кирип болбас!» деп бижип каан болган. Кижи ынаар кирбейн, улаштыр чоруп каан.
Кылаштажып чорда, ийи дугаар хаалга таваржы берген. Ол хаалгада чүнү-даа биживээн болган. Хаалганың чанында кырган ирей олурган.
— Бо кайнаар кирер эжик ирги, хүндүткелдиг ирей? — деп, ол айтырган.
— Дываажаң ораны-дыр.
— Ынаар ыды-биле кирип болур бе?
— Ынчанмайн канчаар, кирип болур.
— А девиинги эжик чүү болду?
— Эрлик оранынче кирер эжик-тир. Дываажаң оранынче чүгле эжин кагбаан кижилер чедип кээр.
GigaChat чураан.
“Шын” №10 2026 чылдың март 19