Эзирик транспорт башкарганы база шынзылга чогу дээрге эң-не шыңгыы уржуктарга чедирип болур улуг хажыдыышкыннар-дыр.
Эзирик байдалда машина мунганы дээш, кеземчениң шыңгыы хемчеглери көрдүнген. Бир эвес чолаачы эзирик байдалда ОШАЧКИ-ниң ажылдакчыларынга бир дугаар таваржы бээр болза, 45 муң рубль түңнүг торгаалды онаар болгаш 1,5-тен 2 чылга чедир хуусаада машина башкарар эргезин казыыр. Эргезин казыырының хуусаазы чолаачының эзирик байдалындан болгаш өске-даа хажыдыышкыннарындан хамааржыр.
Бир эвес чолаачы эзирик байдалын хынадырындан ойталаан таварылгада ону 45 муң рубль хемчээлдиг торгаалга онаар болгаш 2 чыл чедир хуусаада чолаачы эргезин казыыр. Бир эвес ол хажыдыышкын катаптаар болза, торгаал 300 муң рубль чедип болур, а эң шыңгыы кеземче ийи чыл чедир хуусаада хосталгазын казыыры болур.
Бир эвес чолаачы эргезин казыткан соонда, эзирик машина мунганы дээш туттурган болза, торгаалдың түңү 500 муң рубль чеде берип болур азы үш чыл чедир хосталгазын казыттырып болур.
Эзирик чолаачы дугайында дараазында телефон дугаарларынче дамчыдар:
Ажыл хүннеринде 8.30 шактан 17.30 шакка чедир Тываның Чазааның Айыыл чок чорук талазы-биле регионалдыг департаментизиниң телефон дугаарынче: 8 (39422) 9-73-74; дыштаныр болгаш байырлал хүннеринде Чазактың дежурный телефон дугаарынче: 8 (39422) 2-12-94 долгаар.
Сактып алыңар! Силерниң медээңер кижилерниң амы-тынын, кадыкшылын, орук шимчээшкининиң айыыл чок чоруун баш бурунгаар камгалап турар.
Чурукту интернет четкизинден хоолгалаан.
“Шын” №48 2025 чылдың декабрь 11