Бөгүн, декабрь 20- де, Федералдыг айыыл чок чорук органнарының ажылдакчылары профессионал байырлалын демдеглеп турар.
Күрүнениң айыыл чок чоруун, чурттакчы чонга амыр-тайбың амыдыралды хандырар дээш дүн-хүн чок ажылдап чоруур ажылдакчылар бир дугаарында, ниитилелдиң сайзыралынга шаптык кадып болгу дег моондактарны узуткап, чайладыр ажылдарны күүседип турар. Ындыг ажылда хаара туттунган ажылдакчылар чон мурнунга көскүлең эвес-даа болза, оларның ажылы- национал айыыл чок чорукту хандырары – база бир улуг күрүне чергелиг чугула айтырыгларның бирээзи.