Удавас кызылчылар болгаш Каа-Хем хоорай хевирлиг суурнуӊ чурттакчылары чурттап турар чери 2025 чылда канчаар ѳскерли бээринге боттары идепкейлиг киржип болур. Президентиниӊ шиитпири-биле чуртта боттанып турар «Чурттаарынга таарымчалыг хоорай хүрээлеӊин хевирлээри» национал тѳлевилел ёзугаар «Таарымчалыг хоорай хүрээлеӊин хевирлээри» федералдыг тѳлевилелди боттандырары-биле хѳй-ниити девискээрлерин, шѳлдерни чаагайжыдар бадылаашкын март 15-17 хүннеринде болуп эртер.
Чурттакчылар Кызыл хоорайда 36, Каа-Хем хоорай хевирлиг суурга 5 ажыттынар тускайжыткан пунктуларга бадылаашкынны кылыр. Пункт бүрүзүнге волонтерлар ажылдаар болгаш олар канчаар бадылаарын тайылбырлап, айтып бээр.
КЫЗЫЛЧЫЛАР бадылаашкынче киирген 10 тѳлевилдиң аразындан шилилгени кылыр болгаш эӊ хѳй бадылаашкын алган тѳлевилелди боттандырар.
Оларга:
- Хем эриинге ТШО-нуӊ киржикчилеринге тураскааткан скульптурлуг комплекс
- Механизация биле Семирацкий кудумчуларныӊ белдиринде хѳй-ниити шѳл
- «Башня» аллеязы
- Солагай дачалар ниитилелиниӊ микрорайонунда хѳй-ниити девискээр (5 дугаар автобус доктаамы)
- «Оң талакы эрик» микрорайоннуӊ хѳй-ниити девискээри (Пятак)
- Дѳгээ даанче баштай үнер чадаг кижи оруунуӊ девискээри
- «Детский мир» микрорайоннуӊ хѳй-ниити девискээри
- «Спутник» микрорайондан «Орбита» микрорайонга чедир чадаг-терге халыыр оруктуӊ чаагайжыдылгазы.
- «Өг-бүле» парыгынга эртем шѳлү
- «Аас-кежиктиг өг-бүле» аллеязы
КАА-ХЕМЧИЛЕР ДАРААЗЫНДА ҮШ ТѲЛЕВИЛДИ ШИЛИИР:
- «Будда мѳргүлүнүӊ хүртүзү» хѳй-ниити девискээр
- Шахтерлар аллеязындан Алдар аллеязынга чедир чаагайжыдылга.
- Тиилелге сквери
Эргим ѳӊнүктер! Март 15-тен 17 хүннеринге чедир бадылаашкын кылыр эӊ-не чоок черге чедип бадылаарын утпаӊар. Силерниӊ бадылаашкыныӊар тѳлевилелдиӊ салым-чолун шиитпирлээринге кончуг чугула. Эрткен чылгы бадылаашкынныӊ ачызында республикада чаа 30 хѳй-ниити девискээр чаагайжыттынганын сагындырып каалы! Ниитизи-биле бүдүн чылдыӊ дургузунда федералдыг тѳлевилел ёзугаар Тывада 145 таарымчалыг болгаш амгы үениӊ девискээрлери чаартынып, чурттакчыларывысты ѳѳртүп, чүрээн чылдып турар.
Бадылаашкын эрттирер черлерниӊ кайда турарын моон кѳрүп болур силер