Малчыннар байырлалы Наадымга уткуштур «Тыва хой эъдиниң фестивалын» онлайн хевирге эрттирген. «Тывахарылзааинформ» онлайн мөөрейни эң-не дүрген болгаш күштүг интернет харылзаазы-биле хандырып, дорт дамчыдылганы организастаан.
Тыва Республикада сайгарлыкчы чорукту деткиир Фонд ук онлайн-мөөрейни организастап эрттирген дээрзин сагындырып каалы. Фестиваль үезинде дорт эфирни Тывада билдингир «ОвааМедиа продакш" компаниязы боттарының ютуб-каналы таварыштыр чонга көргүскен. Фестивальдың видео-бижиин ОвааМедианың интернет-четкиде @ovaamedia арынындан көрүп болур силер.