Футболга республиканың улуг тренери Борис Иванович Хулбистеевтиң медээзи-биле, Томск хоорайга сентябрь 13–14 хүннеринде “Сибирь” деп Бүгү-россия чергелиг 7 ойнакчы ойнаар бичии хемчээлдиг шөлге, херээжен футболистер аразынга Томск, Кузбасс, Бурятия, Тывадан 4 шилиндек команда ноябрь айда Сочи хоорайга болур түңнел оюннарга киржир эргени чаалап алыры-биле тулушканнар.
Маргылдааның кол сорулгазы футболду улуг, бичии херээжен чон аразынга калбаа-биле сайзырадыры болур.
Чидиг оюннарның түңнелинде 1-ги черни Кузбасстың футболистери, 2-ги черни Томскунуң кыстары, 3-кү черни Тываның командалары тус-тузунда төлептиг болганнар. Ынчангаш Сочиге түңнел оюнга ойнаар эргени алганнар.
А.ЧАМБАЛ-ООЛ.
Чуруктар интернеттен алган.
«Шын» №72 2024 чылдың сентябрь 21