Эң хөй ырыктааш кеткен кижи
2023 чылдың сентябрьда "Келли болгаш Марк-биле дорт эфир" деп шоунуң продюсерлери Ян Шиллер биле Джим Ниблер иелээн эмеглежип тургаш, бир минута дургузунда 22 ырыктаашты кедип шыдапкан. Ол дээш Гиннесстиң рекордтар номунче кирген.
Хеп чуур машинаны эң ырадыр шывадаан кижи
Делегейде бо хүнде Йохан Эспенкронаны ашкан кижи чок. Ол 2022 чылда бодун рекордтар номунче киирерде, хеп чуур машинаны 4,45 метр ыракче октаан.
Ойнааракты эң дүрген чыгган кижи
2022 чылдың август айда Лим Кай Йи Дээрги Картошка бажы деп ойнааракты 5,43 секунда дургузунда чыыпкан. Кым-даа ол хире дүрген чыып шыдавааны-биле рекордсмен болганы ол.
Эң үр чайганган кижи
Великобританияда 3 ажы-төлдүң адазы Ричард Скотт чайганыышка 36 шак 32 минута дургузунда чаңгыс-даа тура дүшпейн, ааттыныпкан.
Делегейде эң бичии камера
OmniVision OV6948 делегейде эң бичии камера кылдыр Рекордтар номунче кирген. Ооң хемчээли 0,575 x 0,575 x 0,232 мм.
Материалды dzen.ru/a/ZlBif4ea... сайтыдан хоолгалаан.