Котлетаны чүгле ак болгаш кызыл эъттен эвес, а гречкадан база кылып болур. Бо амданныг чемни белеткээринге 1 бичии аяк ишти гречка, 1 согуна, 1 чеснок, 1 чуурга, хоюг кара перец болгаш хоюдур соктап каан хлеб сухаризи херек.
Бир-ле дугаарында гречканы ылбырадыр хайындыргаш, согунаны, чеснокту доорааш, дузааш, перецтээш, чуурганы каапкаш, хоюдур блендерлептер.
Котлета хевирлиг кылдыр эптештир тудуп-тудуп, кургаг сухариге өгеп-өгеп, изидип каан үске ишти-даштын саргартыр быжырыптар. Гречкадан белеткээн котлетаны пюрелеп каан картофель-биле чиирге дыка онза.
“Шын” №35 2005 чылдың сентябрь 11