Вова кырган-авазы-биле консерваторияга сураглыг виолончелистиң концертин көрүп олурган.
— Бо акый ол хааржакты төндүр хирээлептерге, чанар бис бе, кырган-авай?
Школага чурулга кичээлинде:
— Кымны чуруп тур сен, Артыш?
— Инопланетянны!
— Ооң кандыызын кым-даа көрбээн болгай!
— Ам билип алыр силер!
— Авай, соодукчу чүге сириңейнип турары ол? Доңа бергени ол бе?
Бир оол эжинден айтырган:
— Холуңну чүге бинт-биле шарып алганың ол?
— Ыт ызырыпты.
— Калчаа аарыглыг ыт бе?
— Калчаа аарыг ыттың кудуруун тыртыптар тенек кижи эвес мен.
Ачазы биле оглу тураскаал чанынга агаарлап турганнар:
— Бо кымга кылган тураскаалыл, ачай?
— Пушкинге.
— «Мумуну» бижээн кижиге бе?
— Чок, оглум, «Мумуну» Тургенев бижээн.
— «Мумуну» Тургенев бижээн-дир, а чүге тураскаалды Пушкинге тургусканы ол, ачай?
Авазы уруунга:
— Манка кадыкты чивес болзуңза, Баба-Яганы кыйгырыптар мен.
— Таанда, Баба-Яга кадыкты чиир деп бодап тур сен бе, авай?
“Шын” №92 2024 чылдың ноябрь 30