Башкызы айтырган:
— Уруглар, кайы ай эң-не кыска?
— Май — деп, Ай-кыс харыылаан.
— Чүге кыска деп бодап тур сен?
— Чүге дээрге үш үжүктен тургустунган.
🙂
— Чаа математика башкызынга таарыштың бе, оглум?
— Дыка таарзындым!
— Чүзүнге?
— Айда ийи катап «больничный» ап тур шээй.
🙂
Уруглар садынга кижизидикчи башкы азырал болгаш черлик дириг амытаннар дугайында тайылбырлааш, айтырган:
— Азырал дөрт буттуг өңнүүңерни адап көрүңерем. Кым билир?
— Мен билир мен! – деп, Болат алгырган.
— Харыыла че, Болат.
— Ол дээрге орун-дур!
🙂
Аныяк башкы эжинге хомудап чугааланган:
— Бир өөреникчим мени шуут хилинчектеп тур: шимээргээр, тенектенир, кичээл үезинде шаптыктаар.
— Ам оода чаңгыс эки шынары бар бе?
— Ийе, бар — чаңгыс-даа кичээл үспес…
🙂
Ийи эник ужуражы берген.
— Гав — деп, бир дугаары ээрген.
— Мяу! — деп, ийигизи харыылаан.
— Тений бердиң бе? — деп, бир дугаары айтырган.
— Чок, даштыкы дыл өөренип тур мен!
“Шын” №86 2024 чылдың ноябрь 9