Октябрь айның сөөлгү улуг-хүнү — Чолаачылар хүнү. Ынчангаш чолаачылар, машиналар болгаш оруктар дугайында анекдоттарны номчуңар.
🙂
— Силерни машина садып алган деп дыңнадым?
— Ийе, дыка-ла эки эт-тир, шуптузунче четтигип тур мен! Бодап көр даан, машинага артык кезектер дээш чордум, оон бензин куттунуп алгаш, маслозун солуп автосервиз бардым, «тосол» садып садыг чордум, «техосмотрумну» база эртип алдым. Машина чок турган болзумза, бо бүгүнү та канчап эртер турдум ыйнаан?
🙂
КАИ ажылдакчызы ижипкен чолаачыдан айтырган:
— Руль артынга канчап мындыг байдалдыг олурупканыңар ол?
— Эштерим дузалашты!
🙂
— Экии, «Элээр чолаачы» деп операция чоруп тур!
— Ол-ла-дыр, элээр чолаачыларны дозуңар! Мен кандыг хамаарылгалыг мен?!
🙂
Ёзулуг шын аттынып өөренип алыр дизе, машинадан мунуп өөренип ал.
🙂
Ачазы уруунга чугаалаан:
— Дүүн сени машинаңда дыка аянныг, көк баштыг эр кижи-биле олурарыңны көрдүм, уруум.
— Ол эр кижи — мээң инструкторум ышкажыл. Машинага олуруп турумда, ооң бажы кара турду.
🙂
— Оруктарда өл-чаъс, куруг малгаш-тыр… Дворниктериңерни кыпсып алыңар, чүү-даа көзүлбес ышкажыл.
— Аа, меңээ хамаан, көстүктеримни бажыңымда каапкан-дыр мен.
«Шын» №82 2024 чылдың октябрь 26