— Ачай, кижилер караан шийип алгаш бижиттинип шыдаар бе?
— Ынчанмайн канчаар!
— Ынчаарга карааң шийип алгаш, дневнигимге аттан салып берем.
😀
Ачазы хорадап айтырган:
— Мерген! Географиядан өске шупту эртемнерде ийилер алган-дыр сен, тайылбырлап көрем?
— География кичээлинде амдыызында мени айтырбаады ийин — деп, оглу харыылаан.
😀
Ачазы оглунга:
— Кажан журналда багай демдээңни эдип алыр бодап тур сен, мугулай?
— Беш дугаар хүн ону эдип алыр дээш чадажып тур мен, башкым журналды холундан салбас-тыр.
😀
— Математика башкызы-биле чүге «Кежээкиниң мендизи-биле» деп мендилешкениң ол?
— Мен ону көрүптеримге-ле карактарым караңгылай бээр-дир…
😀
Оглу авазынга хомудап чугааланган:
— Ам черле школа барбас мен. Петров ам база рогатка-биле адар, Иванов ном-биле баш согар, Васечкин улус дээктээр… Барбас мен, ол-ла-дыр!
— Ванечка, соксап көр, баар апаар, школа директору болгай сен!
😀
Болат өөренгеш чедип келген.
— Дневнигиң кайыл? — деп, ачазы айтырган.
— Сашага ачыладыптым. Ол ада-иезин коргудар дээрге.
«Шын» №21 2025 чылдың июнь 5