Россияның Культура яамызы 2025 чылда хөгжүм башкыларынга РФ-тиң Президентизиниң шаңналын алыры-биле, киирер документилерин хүлээп эгелээн.
Бо мөөрейни Президентиниң 2022 чылдың март 9-та үнген чарлыы-биле 4 чыл улай эрттирип турар. Чыл санында Уругларның уран чүүл школаларының башкыларынга 500 муң рубль түңнүг 100 шаңналды, колледжтер болгаш дээди өөредилге черлериниң башкыларынга 1 млн рубль түңнүг 25 шаңналды тыпсып турар. Үнелээриниң критерийлери: авторлуг методикалар, өөреникчилериниң чедиишкиннери, чогаадыкчы хемчеглерге киржилгези.
Үш чыл дургузунда 300 шаңналды Уругларның уран чүл школаларының башкылары, 75 шаңналды училище башкылары база 75 шаңналды дээди өөредилге черлериниң башкылары алган. Лауреаттарның чедиишкиннериниң аразында — мөөрейниң тиилекчилерин белеткээри кирип турар, ооң иштинде делегей чергелиг.
2023 чылдың тиилекчилери: Александр Сандлер (Санкт-Петербург консерваториязы), ол XIII Чайковский аттыг делегей чергелиг мөөрейниң лауреады Мирослав Култышевти, а Сергей Осипенко (Ростовтуң консерваториязы) — XVII Чайковский аттыг делегей чергелиг мөөрейниң тиилекчизи Сергей Давыдченкону белеткээн.
Бистиң корр.
Чурукту интернеттен хоолгалаан.
“Шын” №28 2025 чылдың июль 24