Бөгүн «Шын» солун 98 харлап турар. Кижиниң хар-назыны-биле алырга, элээн барган, “ак-сегел” чадазы чеде берген назын-дыр. Ындыг назынны “көрбээн чүвези, көдүрбээн хөнээ чок” деп база чугаалаар бис. Шынап-ла бодунуң намдарының дургузунда “Шын” солун хөйнү көрген: хувискаал, моол бижик, тыва бижиктиң төрүмели болгаш ооң суртаалы, ужүк-бижик билбес чоруктуң узуткалынга киржилге, уран чогаалдың Тывага сайзыралы дээш барза-барза ам кээп тыва дылдың чидиг айтырыгларында келген. Мындыг маадырлыг, алдарлыг төөгүлүг солунга ажылдап чорааным, ам-даа ажылдап чоруурум дээш салым-чолумга өөрүп четтирип чоруур мен.
Байырлал-биле бүгү-ле “Шынчыларга” изиг байырым чедирдим. Хөлеге көже бээр, хүн караа үнүп кээр. Бүгү чүве эки болур! Байырлал-биле!
Хүндүткел-биле, Артур Хертек.