Күс дүжүп, агаар-бойдус соорга, одаар чүүлдү кайыын садып алырыл деп айтырыг чер бажыңнар ээлерин дүвүредип эгелээр. Кожуун төптеринде хөмүр-даш складтары бо хүннерде ажылдап турар. Кожуун бүрүзүнде хөмүр-даштың өртектери аңгы-аңгы. Чүге дээрге кожуун бүрүзүнүң турар чери, чедер оруу бодунуу-биле тускай. Кывар-чаар чүүлдүң чарыгдалындан хөмүр-даштың садар өртээ хамааржып турар дээрзи билдингир.
ТР-ниң Одалга болгаш энергетика яамызының медеглээни-биле алырга, республикада ниитизи-биле 25 склад ажылдап турар. Оларның чамдыызы хууда сайгарлыкчыларга, а бир чамдыызы күрүнеге хамааржыр.
Хөмүр-даш складтарының турар черлери болгаш ажылдаар шактары:
КЫЗЫЛ ХООРАЙДА
Калинин кудумчузунда 128 дугаар бажыңда склад (Бизнес инкубатор дужунда) 08.00 шактан 16.00 шакка чедир ажылдаар. Улуг-хүнде дыштаныр. Долгаар дугаары: 89293586927. Хөмүр-даштың 1 тоннада —3315 рубль.
Мира кудумчузу 11А, 09.00 шактан 17.00 шакка чедир ажылдаар. Улуг-хүнде дыштаныр. Долгаар дугаары: 89232672862. Хөмүрнүң 1 тоннада өртээ — 3315 рубль.
Светлая кудумчузу 45 (Вавилин ээтпээ). 09.00 шактан 18.00 шакка чедир дыштаныр хүн чок ажылдаар. Хөмүр-даштың 1 тоннада өртээ – 3511 рубль.
Вавилин ээтпээ. 08.00 шактан 18.00 шакка чедир ажылдаар. Долгаар дугаары: 89293586927. 1 тоннада 3511 рубль.
Комсомольская 97, 09.00 шактан 18.00 шакка чедир дыштаныр хүн чок ажылдаар. Долгаар дугаары: 89965698888. Тоннада 3511 рубль.
Оюн Күрседи 4-те склад 09.00 шактан 17.00 шакка чедир ажылдап турар. 1 тоннаны 3315 рубльга садып турар.
КОЖУУННАРДА
Чаа-Хөл кожууннуң Чаа-Хөл сумузунуң Ленин кудумчузунда 1 дугаар бажыңда 08.00 шактан 17.00 шакка чедир хөмүрнү садып турар. 1 тоннада — 3564 рубль. 89777230505 дугаарже долгааш, билдинмес айтырыгларны билип ап болур.
Мөңгүн-Тайганың Мугур-Аксы сумузунда Кара-оол Салчак 1-де склад 09.00 шактан 18.00 шакка чедир ажылдаар. Хөмүрнүң 1 тоннада өртээ 5853 рубль.
Ол-ла сумунуң Эрик кудумчузунуң 36 дугаар бажыңында 09.00 шактан 17.00 шакка чедир хөмүр-дашты 1 тоннада 5853 рубльга садып турар. 89835861662 дугаарже долгаар.
Ак-Довурак хоорайның Гагарин 80-де 09.00 шактан 14.00 шакка чедир хөмүр-дашты садып турар. 1 тоннада — 3947 рубль. 89527510154 дугаарже долгаар.
Бай-Тайга кожууннуң Тээлиде Комсомольская 32-де 09.00 шактан 18.00 шакка чедир, 1 тонна хөмүр-дашты 4223 рубльга садып турар.
Ол-ла кожууннуң, ол-ла сумузунуң Мугур кудумчузунда 2 дугаар бажыңда 09.00 шактан 17.00 шакка чедир одаар чүүлдү 1 тоннада 4223 рубльга садып турар. Долгаар дугаары: 89232657112.
Сүт-Хөлдүң Суг-Аксы сумузунда Бюрбю 11/1 дугаарлыг бажыңда хөмүр-дашты бир тоннада 3449 рубльга садып турар. 89527519510 дугаарже долгаар.
Шагаан-Арыг хоорайның Энергетиктер 5-те 09.00 шактан 17.00 шакка чедир хөмүр-дашты 1 тоннада 3867 рульге садып турар. 89955432848 дугаарже долгаар.
Каа-Хем кожууннуң Сарыг-Септе Енисейская 5 дугаарлыг бажыңда 08.00 шактан 17.00 шакка чедир хөмүр-дашты 1 тоннада 3778 рубльга садып турар. 89620644445 дугаарже долгаар.
Кызыл кожууннуң Ыраккы Каа-Хемниң Киров 1-де 1 тоннада 3155 рубльга хөмүр-дашты садып ап болур. Ол-ла сумунуң Академик Обручев кудумчузунуң 35 дугаарлыг бажыңындан ол-ла өртек-биле одаар чүүлдү садып ап болур. Билдинмес айтырыгларны дараазында дугаарже долгаар: 89333149095.
Таңдының Балгазында нефтебаза райондан 1 тонна хөмүр-дашты 4178 рубльга садып ап болур. 89233820007 дугаарже долгаар.
КҮРҮНЕНИҢ ОДААР ЧҮҮЛ СКЛАДТАРЫ:
Өвүрнүң Хандагайты сумузунуң Октябрьский 2 «Б» дугаарлыг бажыңда хөмүр-даш складындан 1 тонна хөмүрнү 4027 рубль-биле садып алыр. 89237058008 дугаарже долгаар.
Эрзин кожууннуң Эрзин сумузунуң Комсомольская 2 дугаарлыг бажыңда күрүне складындан 1 тонна хөмүрнү 5211 рубль-биле садып ап болур.
Туран хоорайның Шоссейная 2 «Б» бажыңда күрүне складындан 1 тонна хөмүрнү 4036 рубль-биле садып алыр. 89235461501 дугаарже долгаар.
Мөңгүн-Тайга кожууннуң Мугур-Аксыда Кула 29 дугаарлыг бажыңда складтан 1 тонна хөмүр-дашты 5823 рубль-биле садып алыр. 89235414226 дугаарже долгаар.
Таңдының Бай-Хаакта Шоссейная кудумчузунуң 1А-да күрүне складындан 1 тонна хөмүрнү 3974 рубль-биле садып алыр. 89235497939 дугаарже долгаар.
Тес-Хемниң Самагалдайда Промышленная 24/1 дугаарлыг бажыңда күрүне складындан 4712 рубль-биле 1 тонна хөмүр-дашты садып алыр. 89333143950 дугаарже долгаар.
Барыын-Хемчиктиң Кызыл-Мажалыкта Чургүй-оол кудумчузунда күрүне складындан 1 тонна хөмүр-дашты 3867 рубль-биле садып ап болур. 89232608787 деп дугаарже долгаар.
Айдың ОНДАР белеткээн.
“Шын” №81 2024 чылдың октябрь 23