Ыяап-ла медицина камгаладылгазының полизи-биле эмчи дузазын алырының бергедээшкиннерин болдурбас дээш, медээлериңерни чаартып көрүңер.
Хамаатылар 2022 чылдың декабрь 1-ден эгелеп материалдыг арга-биле камгаладылгалыг кижилерниң чаңгыс аай реестринден ыяап-ла медицина камгаладылга полизиниң үзүндүзү, ооң иштинде штрих-код хевирлиг материалдыг арга-биле албан алыр эмчи камгаладылга полизин ап болур. Чаңгыс аай реестрни камгалаттынган кижилерниң дугайында медээлер болгаш оларга үндүрген полистер ёзугаар тургузар; эргижирээн медээлерлиг бижиктерни чаңгыс аай дыңнадыглар баазазынче шилчитпес.
Камгаладылгалыг кижилерниң чаңгыс аай реестринче кирбейн, Ыяап-ла медицина камгаладылгазының программалары-биле халас эмчи дузазын алырындан ойталаар айыылды болдурбас дээш, АСП Капитал МС КХН-ниң Тыва Республикада салбырының албан черлеринче дараазында таварылгаларда баар:
1. Силерниң 2011 чылдың май 1-ге чедир үндүрген "эрги стильдиг" Ыяап-ла медицина камгаладылгазының полизи бар.
2. Силер паспортуңарны бир дугаар алган силер азы назы-хар аайы-биле чаа паспорту чаарткан силер (14, 20 азы 45 харлыыңарда).
3. Читкен паспорттуң орнунга чаа паспорт алган силер азы долу адыңарны өскертип алган силер.
4. Декабрь 1-ге чедир Ыяап-ла медицина камгаладылга полизин садып алган силер, а түр када сертификаттың хуусаазы эрткен (ооң үндүрген хүнүнден бээр 45 ажыл хүнү эрткен), камгаладылга компаниязындан албан эмчи камгаладылга полизин ам-даа албаан силер.
Ыяап-ла медицина камгаладылгазының полизин алырда херек документилерниң даңзызын билип ап болур силер, ол ышкаш албан эмчи камгаладылгазының өске-даа айтырыгларынга хамаарыштыр тодаргай сүмелерни компанияның албан черлеринче кирип, сайтыга дилегни арттырып азы харылзаа төвүнче 8-800-700-10-78 (регионалдыг)-8080-108 (федералдыг) дугаарлыг телефон-биле долгааш, билип ап болур силер.
Чурукту АСП Капитал МС КХН-ниң Тыва Республикада салбырындан алган.