Хан дужаарынга канчаар белеткенирил?

Хан дужаар хүннүң мурнунда болгаш ол хүн үстүг, быжырган, ажыг, ыштаан, сүттен кылган чемнер, чуурга болгаш үс чип болбас. Аш ижинге хан дужаап болбас, ооң орнунга чигирлиг шай, морс, компот, арыг суг ижип, хлеб, сухари, сушки, сугга хайындырган үс чок крупалар, макароннар, ногаа болгаш чимис аймаан чип алганы дээре. Хан кудар станцияже баар мурнунда 48 шак бурунгаар арага ижип болбас, а 72 шак бурунгаар тургузуунда аспирин болгаш анальгетиктер кирип турар эмнер ижип болбас.

Эртенги үеде чиик чем чип алыр, а хан дужаар мурнунда чигирлиг шай ижип алырын сүмелеп турар. Ол ышкаш 1 шак бурунгаар таакпыдан ойталаар херек. Дүнеки дежурныйлаашкын азы дыш чок, удуваан дүн соонда хан дужаавас болза эки. Шылгалдалар, маргылдаалар мурнунда, ылаңгыя күжениишкинниг ажыл үезинде хан дужаарын планнавас.

ТР-ниң Хөй-ниитиниң кадыкшылга төвүнүң медээлеринден