«Чурттаарынга таарымчалыг хоорай хүрээлеңин хевирлээри» деп федералдыг төлевилелдиң «Чурттаар оран-сава болгаш хоорай хүрээлеңи» национал төлевилелдиң боттанылгазы-биле Өвүр кожууннуң Хандагайты суурунда төп шөлчүгешти чаагайжыткан. Хөй-ниити черинде 8 чырыдылга чагызын, улуг арканы, 14 дыштанып олурар сандайны, 6 бок төгер хааржакчыгашты, 32 чечек тарыыр саваларны салган.
2024 чылда Өвүр кожуунга бадылаашкынга 5 объектини киириштирген. Оларга Хандагайтының төп шөлчүгежи, ол-ла суурда Дидим-оол болгаш Найырал кудумчуларында уруглар ойнаар шөлчүгештер, кызыгаар чанында “Тыва - Россия” деп стела, Солчур суурда Сунгар-оол кудумчузунуң чаагайжыдылгазы хамааржыр. Хандагайтының төп шөлчүгежи хөй үннү алган. Амгы үеде төп шөлчүгештиң чаагайжыдылгазы доозулган.
Чуруктарны интернет четкизинден алган