❋ Өөредиглиг чугаа
— Кургаг будукту кым сый базыптар эвес, хынап көөлем — деп, харжыгаштар аразында маргышкан-дыр.
Бирги харжыгаш эң-не күжү-биле баткаш, кургаг будуктуң кырынга хонупкан. Будук шимчеш безин дивээн. Ооң соондан ийи дугаары баткан, улаштыр үшкүзү дээш улажыпкан. Будук сыйлыр-даа хире эвес. Харжыгаштар хондур чаап келген. Эртенинде будук кырынга улуг хөртүк турупкан. Харжыгаштарның аарынга будук ыргая берзе-даа, шуут сыйлыр күзел-даа чок болган.
Ол үе дургузунда чүгле чаңгыс харжыгаш агаарга бөөлденип чораан. «Мынча хөй харжыгаштар будукту сыйып шыдаваан болза, мен аңаа бырашпас-даа мен» — деп, ол боданган.
— Канчап билир шенеп көр даан — деп, эштери ону кыйгырган.
Ам-на ол шиитпирлепкен. Харжыгаш өскелерден күштүг эвес-даа болза, баткаш, хөртүк кырынга чыдыптары-биле будук сыйлы берген.
Өскелерден күштүг эвес-даа болзуңза, эки кылган чорууң бир-ле багай чүүлдү тиилептерин кым билир деп.
“Шын” № 98 2024 чылдың декабрь 21