Хем эриинден 600 кил бокту арыглаан.

Улус көрбес, хоорайдан ырак, шөлээн черге дыштаныксаар кижилерниӊ чыглыр чери Каа-Хемниӊ эриинде Көк-Тей апарган.

Бүгү-российжи «Ногаан Россия» деп субботник үезинде Тываныӊ Арга-эзим камгалаар төвүнүӊ, Убса-Нур заповеднигиниӊ он дөрт кижи составтыг командазы ол черден 600 кил бокту чыггаш, полигонга барып чедирген.
Арыг агаарлыг черге эштип, дыштанып алгаш, дыка хөй улус богун аӊаа оваалап арттырып турар. Ында бок төгер контейнерлер чок болганда, машина-балгаттыг хоорайжылар, боттарыныӊ богун багаж сугар черинге суп алганы дээре.
Төрээн чериниӊ бойдузун камнап хумагалаары – кижи бүрүзүнүӊ херээ.
ТР-ниӊ «Арга-эзим камгалаар төвүнүӊ» медээзи-биле Р.Демчик белеткээн.