Хемчигеш

Суурувустуң чанында
Шулурааштыг хемчигеш.
Суун сүзүп ойнаарга,
Шуут онза дыңналыр.

Эриктерде саглаңнаан,
Эрээн-шокар чечектер.
Эртениң-не мендилеп,
Эргеленип чайганыр.

Сайлыг черде бырлаңнааш,
Салгын-биле эштежип,
Салдап эштээн чаштарны,
Саарыы-биле чассыдар.

Хемчигештиң дүвүнде
Хензиг бичии байлаңнар
Херлип эштээн чакпазын,
Хере салгаш, шуужуптар.

Херелдиг хүн чырыынга
Кезек чери чайнай бээр.
Хемчигештиң чаражын,
Келген чону сонуургаар.

Уран Сотпа.

Чурукту интернет четкизинден алган.

"Шын" №56 2024 чылдың июль 27